» » Дурбек Умаралиев: «Навбаҳор» ҳозир жуда кучли»

Дурбек Умаралиев: «Навбаҳор» ҳозир жуда кучли»

Дурбек Умаралиев: «Навбаҳор» ҳозир жуда кучли»Бир неча йиллар Наманганнинг "Навбаҳор" жамоаси сафида ўйнаган ва кейинчалик клуб мураббийлар штабида ҳам фаолият олиб борган Дурбек Умаралиевни кўпчилик футбол мухлислари яхши танишади.

Айни дамда Уйчи туманининг "Пахтакор-79" жамоасида бош мураббий сифатида фаолият олиб бораётган Дурбек Умаралиев билан сайтимиз мухбири интервью ташкил этди. Қуйида ушбу интервьюнинг тўлиқ матни билан танишинг.

- Сизни ўтган мавсумда Наманганнинг "Навбаҳор" футбол клуби мураббийлар штабида кўргандик. "Пахтакор-79" жамоаси сафида қачондан иш бошладингиз?

- Авваламбор, эътибор учун миннатдорчилик билдираман. Клуб раҳбари Ойбек Ғаниевнинг таклифига кўра "Пахтакор-79" жамоасида 2019-йилги мавсум сўнгида иш бошладим.

- Айни дамда сиз бош мураббийлик қилаётган “Пахтакор-79" жамоаси олдига қандай вазифа қўйилган?

- Жамоамиз олдига биринчи навбатда мухлисларга манзур бўладиган футбол намойиш этишдан иборат. Шунингдек вилоятимизнинг бош жамоаси бўлган "Навбаҳор" жамоасига мос футболчиларни етказиб бериш, Про-лига мусобақаларида бўлиб ўтадиган ҳар бир ўйинда ғалаба учун майдонга тушиш жамоамиз олдидаги асосий мақсадлардан ҳисобланади.

- Кўпчиликка қизиқ, Уйчи туманида аввалги мавсумларда "Хотира-79" жамоаси бўлар эди. Ҳозирги "Пахтакор-79"ни ўша жамоанинг мантиқий давоми сифатида қараш мумкинми? Ҳозирда айрим манбаларда жамоангизни "Хотира-79" номи билан аташмоқда.

- Йўқ, "Пахтакор-79" умуман бошқа жамоа. Биласизми, клуб раҳбари дастлаб мени жамоага таклиф этганда, ўзим ҳам шу саволни берган эдим. Ўшандаёқ менга бу ҳақида айтишганди, "Хотира-79" ва "Пахтакор-79" умуман бошқа-бошқа жамоалар эканлигини. Жамоамизни оппоқ қоғозга дастлабки сатрлар ёзилгани каби бошидан бошладик.

- "Пахтакор-79"да вазият қандай? Демоқчиманки, ЎзПФЛ томонидан Про-лига клубларига қўйиладиган лицензиялаш талабларига жамоангиз қай даражада жавоб беради?

- Ҳозирги кунда "Пахтакор-79" футбол клубининг барча вакиллари жам бўлган холда ПФЛ томонидан Про-лига клубларига қўйиладиган талабларга мослаштириб бораяпмиз. Жумладан футболчиларнинг кийиниш хонаси, футбол майдони каби клуб инфратузилмасини замонавий кўринишда шакллантириш бўйича ишлар олиб борилмоқда.

- "Пахтакор-79" нинг мавсумолди тайёргарлигини кузатиб, жамоа таркибида бир қатор таниқли футболчиларни кўрикдан ўтганлигини кузатдик. Масалан, Тимур Султонов, шунингдек Илҳом Бойдадаев каби. Адашмасам Абдумалик Абдуллаев ҳам жамоангиз сафида кўриниш берди. Бу футболчилар ҳозирда "Пахтакор-79"дами?

- Ҳа, бу тўғри. Жамоамизнинг янги мавсумга тайёргарлик ўқув-йиғин машғулотларида бир қатор тажрибали футболчилар кўрикдан ўтишди. Жумладан ўз вақтида Суперлига жамоаларида ўйнаган Тимур Султонов ва Илҳом Бойдадаевлар айни дамда биз билан бирга, улар жамоамизда қолишади. Абдумалик Абдуллаев билан эса ўзаро қарашларимиз мос келмади ва дўстона хайрлашдик.

- "Навбаҳор" жамоаси сафида бир неча йиллар давомида ҳаракат қилгансиз, кейинчалик клубнинг мураббийлар штабида ҳам ишладингиз. Табиийки, жамоага бефарқ эмассиз. Айтингчи, фикрингизга ҳозирги "Навбаҳор" нималарга қодир?


- Ҳақиқатдан ҳам вилоятимизнинг бош жамоаси бўлмиш "Навбаҳор"да ўйнадим, тажриба орттирдим. Кейинчалик футболчилик фаолиятимни якунлагач клуб мураббийлар штабида ҳам фаолият олиб бордим. Бир сўз билан "Навбаҳор"да ўсиб-улғайдим, томиримда бу жамоанинг ДНКси бор десам муболаға бўлмайди. Ҳозирги кунда вилоятимиз ҳокими Хайрулла Ҳайитбоевич Бозоров "Навбаҳор"га ва Наманганнинг бошқа жамоаларига кўплаб шароитлар яратиб бермоқда. "Навбаҳор" айни дамда жуда кучли ва янги мавсумда совриндорлар қаторида бўлиш ҳамда Осиё чемпионлар лигаси йўлланмаси учун кураш олиб боради.
Дурбек Умаралиев: «Навбаҳор» ҳозир жуда кучли»

- Биламизки, Дурбек Умаралиев футболда ҳимоя чизиғи вакили сифатида ҳаракат қилган. Мураббийлик борасида услубингиз ҳимоявий футболга асосланадими ёки аксинчами?

- Ҳозирги замонавий футбол кундан-кунга ривожланиб бормоқда. Ўз устингизда ишламасангиз, жамоангиз ўйинига янгилик қўшмасангиз, натижа бўлиши қийин. Масалан, бирор ўйинда ҳимоявий услубни қўллаган жамоа навбатдаги ўйинга бутунлай бошқача -ҳужумкор услуб билан ўйнаши мумкин. Шахсан ўзим ҳужумкор футбол тарафдориман, шунингдек тактикани рақиб жамоанинг кучидан келиб чиқиб танлайман, қайсидир ўйинда қарши ҳужум тактикасига асосланиб ўйнасак, қайсидир ўйинда бошқачароқ, яъни ҳужумкор ўйин кўрсатишимиз мумкин. Бундан ташқари ўйиннинг боришига қараб ҳам услубимизни ўзгартиришимиз мумкин. Ҳар бир ўйинда барибир биринчи ўринга натижа қўйилади, шундай экан, мураббий сифатида турлича услубларни қўллаб, якунда ғалаба қозонишингиз шарт.

- Сизнингча, мураббий сифатида Илхом Мўминжонов бошчилигидаги "Навбаҳор" кучли эдими ёки Андрей Канчельскис бошқарувидаги? Ҳар икки мураббий билан ҳам ишлагансиз, бу саволнинг жавобини бошқалардан кўра яхшироқ билсангиз керак.


- Илҳом Мўминжонов билан ҳам, Андрей Канчелськис билан ҳам ишлаганман. Уларнинг иккиси ҳам менга устозлик қилишган. Ҳар икки мураббийнинг ҳам ўз қарашлари ва услублари бор. Андрей Канчелськис ҳам, Илҳом Мўминжонов ҳам ўз ишининг устаси бўлган мураббийлар ҳисобланишади. Агар улар томонидан кўрсатилаётган натижаларга эътибор берсангиз, юқорида айтганларим тўғри эканлигига амин бўласиз. Шундай экан, улардан бирини алоҳида ажратиб кўрсата олмайман.

- "Пахтакор-79" жамоаси мухлисларига қандай тилакларингиз бор?


Жамоамизнинг барча мухлисларига оилавий хотиржамлик ва сиҳат-саломатлик тилайман. "Пахтакор-79" жамоаси янги мавсумда катта футболда ўз иштирокини бошламоқда. Футболда истаймизми йўқми, ғалаба ва мағлубият ёнма-ён юради. Янги шаклланаётган ёш жамоага мухлисларнинг далдаси жуда ҳам зарур. Ўйлайманки, жамоамиз мухлислари уй ва сафар учрашувларимизда бизни қўллаб-қувватлаб туришади.скачать dle 10.4фильмы бесплатно


Телеграм каналимизга аъзо бўлинг! @lochinlaruzofficial

Фикр колдириш

Ваше Имя:
Ваш E-Mail:
Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
MostBet
Телеграм каналимиз @lochinlaruzofficial
Кейинги учрашув
17-тур. 26 сентябр
- : -
Суперлига - 2020
Жамоа Ў О
1 Пахтакор 16 41
2 АГМК 16 33
3 Насаф 16 32
4 Бунёдкор 16 29
5 Металлург 16 28
6 Қўқон-1912 16 26
7 Навбаҳор 16 21
8 Локомотив 16 21
9 Сўғдиёна 16 20
10 Машъал 16 19
11 Қизилқум 16 14
12 Сурхон 16 9
13 Бухоро 16 8
14 Андижон 16 7
Сизнинг рекламангиз учун жой. Телеграмда @lochinlaruz ни изланг!
Ўтган учрашув
16-тур. 20 сентябр
0 - 0
Логин
Пароль
Запомнить