ЙИГИРМА ЙИЛ БУРУН

«Навбаҳор-1996» чемпионлигининг 20 йиллигига бағишлаб

Байрам бўларди гўё,
Қувончимиз бир дунё.
«Навбаҳор» ўйнаган кун,
Бундан йигирма йил бурун. 

Стадион тўларди,
Минглаб мухлис кўрарди.
Ҳар тур шундай ўтарди,
Бундан йигирма йил бурун. 

Ўтирардик хотиржам,
Ёт эди ташвиш, алам.
Гол қўйиб юборсак ҳам,
Бундан йигирма йил бурун. 

Ҳужумчилар тинмаган,
Гол урмасдан қўймаган.
Рақиблар дош бермаган,
Бундан йигирма йил бурун. 

Метин эди ҳимоя,
Йигитларда ирода.
Мазза қилганмиз роса,
Бундан йигирма йил бурун. 

Ранжимаган кўнглимиз,
Кетса қанча пулимиз.
Бурро забон - тилимиз,
Бундан йигирма йил бурун.
 
Бахтли мухлис бўлганмиз,
Зап ўйинлар кўрганмиз.
Мағрурланиб юрганмиз,
Бундан йигирма йил бурун. 

Яна шундай бўлсайди,
Маҳмуд шуни истайди.
Янги мавсум «Навбаҳор»га,
Чемпионлик тилайди!

Маҳмуд ПЎЛАТОВ,
Наманган шаҳри.

Interfutbol.uzскачать dle 10.4фильмы бесплатно