» » Жамоа вилоят ҳокими қабулида бўлди

Жамоа вилоят ҳокими қабулида бўлди

 Жамоа вилоят ҳокими қабулида бўлди   13 июль куни "Навбаҳор" клуби раҳбарияти, мураббийлар штаби ва футболчилар Наманган вилоят ҳокими қабулида бўлишди. Наманган вилоят ҳокимлигининг кичик мажлислар залида ташкил этилган маросимда жамоа аъзоларидан ташқари вилоятдаги ҳомий ташкилот раҳбарлари ҳам иштирок этишди.

Маросим аввалида сўз олган Ўзбекистон Республикаси Олий Мажлис Сенати аъзоси, Наманган вилоят ҳокими, вилоят футбол федерацияси президенти Хайрулла Ҳайитбоевич Бозаров сўз олди. Вилоят ҳокими йиғилишдан асосий мақсад "Навбаҳор" футбол клубига янги президент тайинлаш ва иккинчи даврани муносиб тарзда ўтказишни таъминлашдан иборат эканлигини билдирди. Бозаров яқинда Наманган шаҳар ҳокими сифатида иш бошлаган Шавкатжон Шокирджанович Абдураззоқовни клуб президенти сифатида йиғилганларга таништирди. Вилоят ҳокими клуб президентининг фаолиятини муваффақиятли чиқиши билан бир қаторда фаолиятига омад тилади.

Сўзга чиққан клуб президенти Шавкатжон Абдураззақов  биргаликда "Навбаҳор" жамоасини юксак ўринларга олиб чиқишдан умидворлигини билдирди. Шунингдек, нотиқ ўз сўзида миллионлар ўйинига бефарқ эмаслигини, ёшлик чоғида футбол билан шуғулланганлигини айтиб, жамоа равнақи ва мухлисларни ҳурсанд қилиш учун ҳамжиҳатликда иш олиб борилишини таъкидлади.

Шундан сўнг жамоа бош мураббийи Илҳом Мўминжонов сўзга чиқиб, жамоанинг биринчи даврадаги иштироки ҳақида сўз юритиб, иккинчи даврага олиб борилаётган тайёргарлик жараёни ҳақида ахборот берди. Мўминжонов иккинчи даврани муносиб тарзда ўтказиб жамоа мухлисларини ҳурсанд қилиш асосий мақсад эканлигини билдирди. Айнан шу мақсадда таркибга Аббос Махсталиев, Дониёр Усмонов, Мурод Ражабов ва Мирзоҳид Маматхановларни таклиф этилганлигини айтиб, футболчиларни йиғилганларга таништирди. Ўз навбатида мураббий таркибга янги ўйинчиларни жалб этиш борасида музокаралар давом этаётганлигини қўшимча қилди.

Бош мураббийнинг сўзларини тинглаган вилоят ҳокими жамоага маҳоратли ҳужумчи жалб этиш кераклигини уқтирди. Мураббий бунга жавобан бу борада ҳам музокаралар давом этаётганлигини айтиб, биринчи даврани жароҳат туфайли тўлиқ ўтказа олмаган Рўзимбой Аҳмедовни сафга қайтганлиги сабабли жамоада олиб қолганлигини билдирди.

Вилоят ҳокими Хайрулла Бозаров жамоанинг биринчи даврадаги иштироки ҳақида ўз фикрлари билан ўртоқлашди: -  Майдонда футболчилар чиройли ва мазмунли ўйин намойиш этишлари лозим. Рақиб дарвозасига битта гол уриб, ютуқни ушлаб қолиш мақсадида ҳаракат қилишни нотўғри деб ўйлайман. Чиройли ўйин намойиш қилиб тактик усулларни қўллаб ғалаба сари интилиш ўйингоҳни тўлдириб ўтирган мухлисларга қувонч бахш этади. Шундан келиб чиққан ҳолда ютуқ учун мазмунли ўйин орқали интилиш керак. Биринчи даврада жамоанинг урган голлари сони анча кам бўлди. Комбинацион хатти-ҳаракатлар орқали нафақат голлар сонини балки ютуқларни ҳам ошириш мумкин. Тажрибали футболчилар майдонда етакчиликни қўлга олиб жамоани муносиб тарзда тўп суришини таъминлаши лозим. Олдинги йилларда жамоага бўлган эътибор у қадар кучли бўлмаганди. Бу йилдан вазият ўзгарди. Ҳомийларимиз "Навбаҳор"ни чемпионатда муносиб иштирок этиши учун ёрдам бериб келишмоқда. Бунинг учун ҳомийларимизга катта раҳмат. Футболда моддий таъминот муҳим саналади. Доимий равишда жамоалар моддий томондан қўллаб-қувватланган. Ўзбек футболига ҳам хорижий инвесторларни кириб келаётганлигига гувоҳ бўлмоқдамиз. Вақти келиб "Навбаҳор"га ҳам хориждан ҳомийлар топилар. "Навбаҳор" халқ жамоаси, шундай экан ҳозирча маҳаллий ҳомийлар кўмагида жамоани кўтаришга ҳаракат қиламиз. Бунга жавобан футболчилар майдонда муносиб ўйин кўрсатиб билдирилган ишончни оқлашлари керак. Иккинчи даврада "Навбаҳор"га омад ёр бўлсин, - дея Бозаров ўз сўзини якунлади.

Йиғилиш сўнггида футболчилар номидан Дилшод Жабборов яратиб берилаётган шарт-шароитлар ва билдирилган ишонч учун миннатдорчилик билдириб, иккинчи даврада раҳбарият ва мухлислар ишончини оқлаш учун астойдил ҳаракат қилишларини айтиб ўтди.

Клуб матбуот хизмати

скачать dle 10.4фильмы бесплатно


Загрузка...

Фикр колдириш

ХАМИД СУЛТОН 14 июль 2017 11:59
НАВБАХОР ИМИЗ МАНА ИШОНЧЛИ КУЛЛАРДА ЭНДИ СОТДИ КЕТДИЛА БУЛМАЙДИ КАТТАКОН РАХМАТ ХОКИМЛАРИМИЗГА.ОЛГА ХАЛК ЖАНРАМИ.

Азамат Абдураимов 14 июль 2017 10:22
Вилоят хокими,Х.Бозоровга мухлислар номидан катта рахмат айтаман!Вилоят хокими айни,мухлисларни дилидаги гапларни айтиб утибди.Энди ушбу айтилган гапларни амалда бажариш колди холос!Жамоага маблаг томонидан узларининг беминнат ёрдамларини аямаётган хомийларга хам,катта ташаккур!Олга,Навбахор !!!

Азамат Абдураимов 14 июль 2017 10:21
Вилоят хокими,Х.Бозоровга мухлислар номидан катта рахмат айтаман!Вилоят хокими айни,мухлисларни дилидаги гапларни айтиб утибди.Энди ушбу айтилган гапларни амалда бажариш колди холос!Жамоага маблаг томонидан узларининг беминнат ёрдамларини аямаётган хомийларга хам,катта ташаккур!Олга,Навбахор !!!

Doniyor.Navbahor.pfk 14 июль 2017 10:05
Хокимимизга рахмат!!! Х . Хайитбоевич доим сог- саломат булсинлар. Навбахор олга!!!

Firdavs 14 июль 2017 09:34
Вилоят хокими ва ташкилотчиларга катта рахмат. Шундай тадбирларни тез тез утгазиб турса жамоа уз кучига ишона бошлайди, маъсулиятни хис килади. Мухлисларни мингта сузидан буларни битта сузи етади. Навбахорга омад. ОЛГА ЛОЧИНЛАР.

РАХМАТИЛЛО 14 июль 2017 09:17
АЖОЙИБ ТАДБИР УЧУН ВИЛ.ХОКИМИГА РАХМАТ СУППЕР ТАКЛИФ ХАМДА ТАЛАБЛАР КУЙГАНЛАРИ УЧУН ХОМИЙЛАРИМИЗГА КУЧ КУВВАТ БЕРСИН МАНА ШУ АЙТИБ УТИЛГАН ХАР БИР НИЯТЛАР ТАКЛИФЛАР БАРЧАСИ АМАЛГА ОШСИН ОЛГА НАВБАХОР!


--------------------

ОКТЯБР67 14 июль 2017 09:11
Гап йук ажойиб учрашув булибди биз мухлислар хам куллашда далда булишда хеч качон ортга чекинмаймиз олга рахбарлар олга Лочинлар!

Информация
Фикр колдириш учун аввал регистрациядан ўтинг!
КЕЙИНГИ УЧРАШУВ
Олий лига. 16-тур
05.08.2017
Обод - Навбаҳор
-:-
СЎРОВНОМА
Давралар оралиғида қайси чизиқни кучайтириш лозим?

ТУРНИР ЖАДВАЛИ
Жамоа Ў Т-Н О
1 Локомотив 15 36-10 35
2 Қўқон-1912 15 23-16 27
3 Насаф 14 22-11 26
4 Олмалиқ 15 12-11 24
5 Пахтакор 15 19-19 24
6 Бухоро 15 25-21 23
7 Металлург 15 20-19 20
8 Машъал 15 15-13 20
9 Қизилқум 15 15-16 20
10 Динамо 15 18-18 19
11 Навбаҳор 15 16-19 19
12 Бунёдкор 14 13-14 18
13 Сўғдиёна 15 19-26 17
14 Шўртан 15 14-21 15
15 Нефтчи 15 12-25 11
16 Обод 15 10-30 9
Р Е К Л А М А
Загрузка...
ЎТГАН УЧРАШУВ
Олий лига. 15-тур
25.06.2017
Насаф - Навбаҳор
4:0
ТАВАЛЛУД КУНИНГИЗ БИЛАН
Логин
Пароль
Запомнить