» » «Навбаҳор» йўқ жойдан жарима тўлайдиган бўлди

«Навбаҳор» йўқ жойдан жарима тўлайдиган бўлди

«Навбаҳор» йўқ жойдан жарима тўлайдиган бўлдиЎзбекистон Профессионал Футбол Лигаси Наманганнинг «Навбаҳор» футбол клубини жаримага тортди. Бу ҳақда ташкилот расмий сайти хабар берди.

Сабаб сифатида Олий Лига 23-туридан жой олган «Навбаҳор» — «Пахтакор» ўйинидан кейинги можаро кўрсатиб ўтилган. Аввалроқ ўйиндан кейинги матбуот анжуманига журналистлардан ташқари бир қатор футбол фанатлари кириб келгани ва якунда «Пахтакор» матбуот котиби ҳамда мухлислар ўртасида жанжал келиб чиққани айтилганди.

ПФЛ вакили сифатида Намангандаги ўйинга Алексей Фролов ташриф буюрган. У ўзининг баённомасида айнан нималарни кўрсатгани айтиб ўтилмаган. Ташкилот шунчаки ўз регламентининг бир қатор бандларини асос сифатида кўрсатиб, «Навбаҳор» жаримага тортилганини ошкор қилган. Доимгидек, жарима миқдори ва унинг қачонгача тўлаб берилиши масаласи кўрсатиб ўтилмаган.

«Навбаҳор» бу камчиликка келгусида қўл урса, янада жиддий чоралар кўрилиши эслатилган. Ўша чоралар аслида нима экани айтилмаган.

ЎЙИНДАН КЕЙИН АСЛИДА НИМА БЎЛГАНДИ?

Ўзбекистон чемпионатининг 23-туридан ўрин олган «Навбаҳор» ва «Пахтакор» жамоалари ўртасидаги учрашувдан (2:0) сўнг тошкентликлар бош мураббийи Шота Арвеладзе иштирокида ташкил этилган матбуот анжуманида можаро келиб чиққан. 

Гап шундаки, матбуот анжумани вақтида Шота Арвеладзега «Пахтакор»нинг олдинги учрашувларда «Навбаҳор»ни ҳалол йўл билан ютмагани ҳақида савол берилган. Маълумотларга кўра, савол муаллифи журналист бўлмаган ва ёнида журналистлар учун бериладиган аккредитацияси ҳам бўлмаган ва катта эҳтимол билан у оддий мухлис бўлган. Арвеладзе унинг саволига жавоб бера олмаслигини, олдинги учрашувлар пайтида Ўзбекистонда ишламаганини билдирган. 

Аммо баъзи савол-жавоблардан кейин бошқа бир журналист аккредитациясига эга бўлмаган номаълум шахс кириб, Арвеладзега «Пахтакор»нинг шу пайтгача ҳалол ютмагани мазмунидаги саволни қайтарган. Биринчи бўлиб ўша саволни берган мухлис бунга қарсак билан муносабат билдирган. Табиийки бу Шота Арвеладзенинг жаҳлини чиқарган ва у эътироз билдирган.

Шу вазиятда «Пахтакор» матбуот хизмати вакили Беҳзод Назаров вазиятга аралашиб, бу каби провакацион саволларни бермасликларини илтимос қилган. Саволни берган мухлислар «Пахтакор» матбуот хизмати ходимига эътироз билдирган. Бундан кейин Беҳзод Назаровнинг ҳам жаҳли чиққан ва мухлислар билан оғзаки айтишувга киришиб кетган. У «Навбаҳор»нинг ўз вақтида «Пахтакор»га қарши учрашувларнинг бирида нотўғри пенальти тепганини эслатган.

Охир-оқибатда иккала томон ҳам даҳанаки айтишувга киришиб кетган ва иккала томон ҳам бир-бирига нисбатан ҳақоратли сўзлар ишлатиб сўкинган.

скачать dle 10.4фильмы бесплатно


Фикр колдириш

lochinlaruz 3 октябр 2017 22:17
Матбуот анжумани тартибсиз утказилганига асосий айбдор жамоа матбуот котиби.Анжуман залига факат профессионал аккредитация рухсатномасига эга булган мухбирларгина кириши мумкин. Бундан ташкари анжуманни ташкил этишда котибга, учрашув комиссари якиндан ёрдам бериши курсатилган. Ха энди, шахар бедарвоза булгандан кейин, анжуманга киришади-да, хар кандай мухлис киришни хохлайди. Мухбирлар беролмайдиган саволларни мухлислар шартта берворишади.Арвеладзе билмайдими хакамлар сотилишини? хаммасини билади колаверса,у хам Узбекистонга факат пул ишлаш,бойиб кетиш максадида келган. Уша Пахтакорнинг тупой мухбири оркаси ачишганидан макола ёзиб сайтга жойлаштирган.Эртадан кейин буларни хаммаси эсимиздан чикади. Факат 10 млн.сум жаримани уша нохушликларга сабабчи булган маъсул ходимлар буйнига илиб куйиш керак. Асосийси биз галаба козондик. Олга Навбахорни лочинлари.
  • Ёқмади
  • 0
  • Ёқди


--------------------

Navbahor chempion 3 октябр 2017 15:11
уша мухлисларни кимлигини билмадикку лекин бу яхшимас жамоамиз ютди галаба козонди нима кераги бор галабадан кейин бунака гапларни , бу саволларни бабаянга бериш керагиди арвеладзе якинда келган одам булса, жамоага зарари тегибди энди уша мухлисни, жамоамизга омад!!!
  • Ёқмади
  • 0
  • Ёқди

МЮ-1983 3 октябр 2017 15:09
Худо.хохласа.локони.хам.шу.холатга.соламиз.олга.навбахор
  • Ёқмади
  • 0
  • Ёқди

МЮ-1983 3 октябр 2017 15:07
Пахтакорники.емон.ачишган.шекили.
  • Ёқмади
  • 0
  • Ёқди

Информация
Фикр колдириш учун аввал регистрациядан ўтинг!
КЕЙИНГИ УЧРАШУВ
Олий лига. 25-тур
21.10.2017
Кўкон-1912 - Навбаҳор
-:-
СЎРОВНОМА
«Қўқон-1912» - «Навбаҳор» учрашувига тахминингиз

ТУРНИР ЖАДВАЛИ
Жамоа Ў О
1 Локомотив 24 54
2 Насаф 24 47
3 Пахтакор 24 44
4 Бунёдкор 24 42
5 Бухоро 24 42
6 Кўкон-1912 24 37
7 Навбаҳор 24 36
8 Машъал 24 35
9 Олмалиқ 24 32
10 Металлург 24 31
11 Қизилқум 24 30
12 Динамо 24 26
13 Сўгдиёна 24 25
14 Шўртан 24 20
15 Нефтчи 24 17
16 Обод 24 9
Р Е К Л А М А
ЎТГАН УЧРАШУВ
Олий лига. 24-тур
13.10.2017
Локомотив - Навбаҳор
2:0
ТАВАЛЛУД КУНИНГИЗ БИЛАН
Асилбек ОМОНОВ
Дарвозабон
01.09.1993
Азиз Турғунбоев
Ярим ҳимоячи
01.10.1994
Улуғбек АБДУЛЛАЕВ
Lochinlar.UZ сайти админи
15.10.1988
Логин
Пароль
Запомнить